Baba Third Term Go Senegal

Baba third term

Don show for Senegal

To settle demo wahala.

As baba don enter Senegal

Na now Senegal people

Go see demo mago mago.

For Naija

Baba don show

As Presido far back,

Dat time

Na khaki im wear.

But fear full im belle,

Im come take hurry hurry

Arrange one mago mago demo,

Come run comot,

Come comot khaki too.

No do, no do

Baba enter prison.

From prison

Baba enter Presido,

Dat one na demo Presido.

Baba Presido time come finish,

But baba no belleful.

Na im baba

Come arrange wayo third term,

Baba name come become

Baba third term.

But di third term no work,

Baba come waka.

Now

Dem don send

Baba third term go Senegal

To go settle demo wahala.

Dat one na to send mad person

To go cure mad people.